من قصائد السديري

مرااااااااااااااااحب للكلـ

انا من أشد المعجبين بقصائد محمد احمد السديري الله يرحمه

فحبيت اني انقل لكم احد قصائده ,, واتمنى من الاعضاء المعجبين بالشاعر السديري ان يكون الرد لهذه القصيده بقصيده ثانيه للسديري ، ومنها نحاول نجمع افضل القصائد في موضوع واحد

وهذي اول قصيده انقلها لكم ..

الله مـن هـمًًَََََ بروحـي سهجهـا
بخافي ضميري في كنين الحشا لاج
احر من نـار(ن) توقـد وهجهـا
منها خطر روحي على سلك ديباج
وعين(ن)عسى المولى يعجل فرجها
يهل ناظرهـا كمـا عيـن هـداج
استرسلـت للدمـع ممـا رهجهـا
غيض(ن)يكض عبارها مثل الامواج
كم واحد(ن)له غايـت ماهرجهـا
يكنها لـو هـو للادنيـن محتـاج
يخاف من عوجاً طـوال عوجهـا
هرجة قفى يركض بها كل هـراج
يقضب عليك المخطيه من حججهـا
حلو(ن)نباه وقلبه اسود من الصاج
والله خلق دنيـاً وسـاع فججهـا
وعما يرد القلب لـك كـم منهـاج
والرجل وان خطت لياليـك سقهـا
عسى تواليهـا تبشـر بالافـراج